RECOMENDACIÓNS INICIAIS
Non hai dúbida. É necesario manter unha rutina, unha estrutura de vida que nos permita seguir facendo cousas e manternos activos. Non caiades na tentación de "non facer nada". Estariades entrando nun terreo perigoso que non é bo para vós nin para quen vos acompaña. Hai que manterse en MODO_ON!
Algunhas claves que podemos trasladarvos:
​
Esperta e érguete a unha hora
adecuada e intenta que esa hora se manteña invariable.
Almorza de xeito adecuado, variado e con produtos o máis naturais posible. É importante para manterse san.
Reserva un tempo pola mañá para realizar
as tarefas preparadas polos profesores.
Mantén períodos de pausa durante os deberes (cada 45´) e aproveita para facer algún reto MODO ON.
Axuda á hora de facer a comida. Pode ser un momento perfecto para preparar algunha receita saudable.
Tempo libre na sobremesa. Pode ser un bo momento para pasar tempo en famillia ou dedicarte a actividades como a lectura.
Pola tarde, remata as tarefas escolares do
día e enfróntate a algún dos retos
familiares que che propoñemos.
Antes de deitarte, podes botarlle un ollo
aos moitos recursos que están colgando na rede (pelis,series, visitas virtuais) pero
lembra, non abuses.
Deitate cedo e lembra que é preciso que descanses unha media de 8 horas. Mañá precisas de volta todas as enerxías!